فيديو أسيل

منذ الإسبوع الماضي لما انتشر فيديو إل يو تيوب مال د.أسيل العوضي وأنا عاجز عن اتخاذ قرار في تقييم الموقف فتارة أقول إنه الشريط مفبرك وتارة أقول إن مهما كان المفروض ماتقول كلمة "هذولة" عن أمهات وسيدات نساء العالمين

وانطلاقاً من قول الله تعالى: "يأيها الذين آمنوا إذا جاءكم فاسق بنبأ فتبينوا"

وانطلاقاً من الأخلاق الإسلامية الناصة بعدم فضح المسلم والتلفيق عليه

كلمت أحد مفاتيح د.أسيل ومن أمس وآنا ناطرة يكلمني أبي أعرف شنو السالفة الصجية وهل رد الدكتورة وأعذارها مقنعة ولا مثل عذر اللي تعامل مع البنوك الربوية مضطراً

إليكم الحوار اللي دار بيني وبين أحد مفاتيح د.أسيل اليوم الصبح
آنا: آلوووووووووووو
المفتاح: هلا

آنا: ليش كاشت فيني من أمس مارديت علي أبي أعرف السالفة بالضبط مالت الفيديو الممنتج

المفتاح: والله كنت مشغول

آنا: شنو السالفة وشلون تقول كلمة "هذولة" عن أمهات المؤمنين

المفتاح: أول شي كلمة هذولة يعني هؤلاء باللغة العربية
آنا: شوف عاد تكلم عدل لاتصيرون مثل حدس والسلف بتبريراتكم
المفتاح: إهيا قالت "هذولة" قصدها إاللي أمهات المؤمنين يتحجبون عنهم عشان مايأذّونهم وقالت إنه إهيا تصلي وليش يسوون فيني جذيه حتى تكفير كفروني وآنا أحب الدين وأمي متحجبة وأختي بعد و 90% من أهلي القراب متحجبا ومن كثر ما كانت متضايقة بقت تبجي وقالت راح تسامح الطالبة اللي صورت الشريط بس إذا اعترفت وتبي تقول له منو سوا مونتاج للفيديو وتبي يعرضه بشكل كامل وغير ملفق

ملاحظتين
قناعة عندي الحجاب فرض على كل مسلمة مو حجاب اللي نشوفه هالأيام ميك أب وضيج وبرج فوق

أختلف مع د.أسيل في قناعتها وطرحها عن الحجاب